Plantun de Prouvènço

Pèr coumpara dos planto d'encò nostre

Leontodon tuberosus & Anemone palmata

Moulin-de-prat(-bóujoula)

Leontodon tuberosus

Asteraceae Compositae

Autre noum : Mounge.

Nom en français : Liondent tubéreux.

Descripcioun :
Aquéu moulin-de-prat trachis dins li tepiero sablouso e argilouso. Flouris de la fin de l'estiéu au printèms segound li plueio, e pièi passo lou gros de la calourasso bonodi sa racino bóujoulado, o tuberisado s'amas miés. Lis akène dóu bord de la flour coumpausado an eici ges d'eigreto e rèston de tèms après la cabusso dis akène dóu mitan.

Usanço :
Li racino soun manjado crus (Grèço, Espagno, Sicilo) e li fueio peréu en ensalado o cuecho à la vapour (F. Couplan, op.cit. p. 424).

Port : Erbo
Taio : 5 à 40 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) enflourejado : 2 à 3 cm
Flourido : Printèms Autouno - Ivèr

Sòu : Ca
Autour basso e auto : 0 à 800 m
Aparado : Noun
Setèmbre à abriéu

Liò : Tepiero sablouso - Tepiero argielouso - Ermas - Orle
Estànci : Termoumediterran à Mesoumediterran
Couroulougi : Estenoumediterranenco
Ref. sc. : Leontodon tuberosus L., 1759

Anemouno(-telado)

Anemone palmata

Ranunculaceae

Nom en français : Anémone palmée.

Descripcioun :
L'anemouno(-telado) trachis dins li garrigo e li relarg sablous de basso Prouvènço e de Prouvènço séusouso. Li flour sèmblon un pau li de l'auriheto, Ficaria verna, pamens li fueio soun mai redouno e telado, e subretout roujo dessouto. Es uno planto di proun raro qu'es aparado, marcado sus listo roujo, categourìo VU, valènt à dire vulnerablo.

Usanço :
Coume tóuti lis anemouno, es uno planto empouisounanto.